Me zgjedhjen e 6 anëtarëve të KLP-së nga radhët e prokurorëve ditën e sotme, plotësohen edhe 11 anëtarët e institucionit të ri të krijuar nga reforma në drejtësi.
Tre anëtarët e KLP-së nga prokuroritë e shkallëve të para:
Gentian Osmani, nga Prokuroria e Krimeve të Rënda.
Antoneta Sevdari, nga prokuroria e Tiranës.
Ndërsa nga prokuroritë e rretheve është zgjedhur prokurori i Elbasanit, Besnik Cani.
Nga Prokuroria e Apelit, janë shpallur automatikisht fituesit:
- Bujar Sheshi, prokuror i Apelit të Krimeve të Rënda Tiranë;
- Arben Dollapaj, prokuror i Apelit Shkodër.
Kjo, pasi nuk kanë konkurrencë dhe ligji e thotë që nga Apelet duhet të fitojnë, një nga rrethet dhe një nga Tirana.
Në përfundim, janë numëruar votat nga prokurorët e Prokurorisë së Përgjithshme, ku 6. Kostaq Beluri ka dalë fitues ndaj Anila Lekës.
Këshilli i Lartë u Prokurorisë përbëhet 11 anëtarë. Sot, u përzgjodhën 6 anëtarët që vijnë nga organi i akuzës, ndërsa 5 janë zgjedhur me herët.
5 anëtarët jo prokurorë
Në shkurt, në kuvend kaluan me short dhe automatikisht për shkak se opozita nuk pranoi të votonte 5 anëtarët jo prokurorë të KLP-së.
Të pesë anëtarët, janë 2 nga radhët e avokatëve, 2 nga pedagogët e fakulteteve të Drejtësisë dhe shkolla e magjistraturës dhe 1 nga shoqëria civile:
Avokatia: Nurihan Seiti (Metaj), Tartar Bazaj. Pedagogët: Gent Ibrahimi, Sandër Beci. Shoqëria civile: Alfred Balla.
Nis puna për ngritjen e KLP, kandidatët prezantojnë platformat: Tani prokurorët janë të pavarur. Ditën e sotme po zhvillohen zgjedhjet për Këshillin e Lartë të Prokurorisë. Sipas informacioneve mësohet se nga 305 prokurorë 283 prej tyre kanë marrë pjesë. Prokurorët do të prezantojnë platformën e tyre përpara kolegëve të tyre.
FJALA E KANDIDATËVE
Arben Dollapaj nga Apeli i Shkodrës. Ai prezantoi platformën e tij si kandidat për KLP. Nënvizoi domosdoshmërinë e ngritjes se këtij këshilli dhe shprehu vendosmëri për bashkëpunim edhe me organe të tjera si KLGj.
Bujar Sheshi nga Prokuroria e Apelit për Krime të Rënda: “Tani prokuroret janë të pavarur. Nuk i duhet më prokurorit të zbatoje urdhrat politike. Reforma e çliron prokurorin nga këto ndikime. Kam karriere 30-vjeçare në sistem. Unë do vë të gjitha forcat si anëtar i KLP që arritjet e reformës të vihen në zbatim”, u shpreh Shehi.
Antoneta Sevdari nga Prokuroria e Tiranës: “Vij sot dyfish e emocionuar se ju drejtohem juve prokuroreve. Kam 16 vjet ne sistem. Unë e nisa me ndroje punën në prokurori. Ndjej përgjegjësi për t’iu përgjigjem pritshmërie të qytetareve në luftën ndaj krimit. Vendi ynë sot mund te beje një atdhe ku ka drejtësi. Te punosh si prokuror është sprovë e përditshme. Vendi ynë ka nevoje për njerëz me vlera”, u shpreh prokurorja.
Prokurori Besnik Cali: “Kam një karriere të gjatë në sistem Tiranë Shkodër Elbasan. Jemi në një faze të rëndësishme të drejtësisë, krijimi i KLP. Në të gjithë mund te jemi pak fajtore që drejtësia erdhi në këtë pike kur duhet reforme. Shqipëria mund te kishte bere përpara nëse përpjekjet tona do ishin maksimale”.
Besnik Muçi nga Prokuroria e Krimeve të Rënda: Sot është një dite e rëndësishme mund te ndryshojmë dy periudha ne prokurorinë shqiptare. Do përpiqem maksimalisht për një prokurori efiçente. Jemi ne pozicion te vështire. Jemi akuzuar si organi përgjegjës për katandisjen e drejtësisë. S’mund të ketë polici të suksesshme pa prokurori të suksesshme. Shkaku kryesor i dështimit të prokurorisë ka qene dëshira e politikes për të ndërhyrë. Me KLP ne do kemi mundësi të fitojmë pavarësinë e organit të akuzës.
Dritan Prenci Prokuroria Kukës: Angazhohen se do te përfaqësoj çdo prokuror nëse zgjidhem anëtar KLP. Do jem i thjeshtë dhe i sinqertë. Mandatin do ta shfrytëzoj për karrierën tuaj jo për timen.
Gentian Osmani Prokuroria e Krimeve të Rënda: Kam pasur vështirësi në detyrën time. Kemi ngarkese tej normale në detyrën tonë hetimore. Kjo mbledhje sot është dëshire për të vënë në jetë pavarësinë dhe përgjegjshmërinë e prokurorit.
