Mëngjesin e ditës së sotme është gjetur një trup i pajetë në hidrovorin e Vlorës.
Trupi i viktimës është gjetur përpara një ore nga punonjësit e hidrovorit të cilët kanë bërë menjëherë edhe njoftimin tek Policia e Vlorës.
Policia ka shkuar menjëherë në vendin e ngjarjes dhe ka njoftuar se bëhet fjalë për një person i gjinisë mashkullore i moshës rreth 50-vjeçare.
Ende nuk është bërë i ditur emri i viktimës ndërkohë që Policia po punon për zbardhjen e ngjarjes.
Njoftimi i plotë i Policisë:
Më datë 11.12.2018, rreth orës 09:30, në lagjen “24 Maji” pranë Hidrovorit, në një nga kanalet e pastrimit është gjetur një kufomë (trup njeriu), ku paraprakisht është i pamundur identifikimi i trupit.
Shërbimi i ambulancës po bën transportimin e tij për në morgun e qytetit.
Po kryhen veprimet e mëtejshme proçeduriale në lidhje me identifikimin dhe sqarimin e rrethanave të rastit.