Çdo vit, pas përfundimit të “Kënga Magjike” e diela në Tv Klan mbledh disa nga finalistët ku diskutojnë për ndjesitë dhe çfarë nuk u pa nga shikuesit por edhe për pikët.
Pjesa e pikëve nxit gjithë debat dhe në një moment, Ronela foli dhe për materialin e përgatitur nga Robert Aliaj, i cili nuk u kualifikua në finale.
Ronela Hajati tha se kënga “Ah ku më hodhi Zoti” është recitim, e sipas saj Aliaj mund të shkojë vetëm në ndonjë kongres me atë material e jo në ‘Kënga Magjike’.
Por Ronelën e kundërshtuan disa, sidomos Aurela Gaçe, e cila e ka mbështetur Robertin që në fillim. Po ashtu edhe Rovena Dilo u shpreh se kënga e Robertit dhe mesazhi që përcjell është ndër më të bukurat e këtij edicioni.
