“Sfiduan shiun dhe shtuan kërkesat”/ Jehona e protestës së studentëve në mediat ndërkombëtare

Protesta e studentëve e cila ka hyrë në ditën e katërt është pasqyruar edhe sot nga mediat e huaja.

Mediat në Amerikë, i kanë kushtuar një hapësirë protestës së studentëve dhe vendosmërisë së tyre për të arritur të ndryshojnë VKM për uljen e tarifës së studimit dhe përmirësimin e kushteve.

Sot ato shkruajnë se studentët vazhdojnë protestën e tyre pa ndikime politike dhe nuk pranojnë asnjë dialog nëse nuk plotësohen kërkesat e tyre, duke iu referuar  medias Assiociated Press.

SHKRIMI I PLOTË

Studentët e universitetit publik po vazhdojnë të protestojnë në kryeqytetin shqiptar, duke hedhur poshtë ofertat për të negociuar me qeverinë, nëse kërkesat e tyre nuk plotësohen.

Studentët të shtunën sfiduan shiun dhe i shtuan kërkesat e tyre, duke hedhur poshtë mbështetjen e opozitës politike.

Faksimile e shkrimit te ABCNews

Ata kanë bllokuar një rrugë kryesore para Ministrisë së Arsimit dhe disa prej prindërve të tyre janë bashkuar me ta.

Kërkesa kryesore është një përgjysmim i tarifave të shkollimit, të cilat për kurset bachelor variojnë nga 20,000 në 45,000 lekë në vit.

Disa studentë kanë lënë të kuptohet se mund të fillojnë një grevë urie.

8 dhjetori konsiderohet si një festë kombëtare në Shqipëri, duke shënuar datën në vitin 1990, kur një protestë studentore rrëzonte regjimin komunist.

PËRGJIGJU

Please enter your comment!
Please enter your name here