Bluzat e bardha të infermierëve dhe mjekëve të rinj varur në kangjellat e Ministrisë së Arsimit dhe krahas tyre një pankartë “Ngelësit që kërkon Gjermania” dhanë mesazhin më therës të protestës së studentëve sot në Tiranë.
“Ngelësit që kërkon Gjermania” në fakt sot po shkaktojnë krizën më të madhe në sistemin shëndetësor shqiptar pasi nuk trajtohen me paga dhe kushte pune pas diplomimit dhe kualifikimit, ndërsa janë të mirëpritur në Gjermani, atje ku iu ofrohen të gjitha mundësitë për të jetuar dhe zhvilluar karrierën e tyre.
