Dy fëmijë dhe një nënë shqiptare janë në gjendje të rëndë për jetën, pasi morë plagë të rënda nga djegia në shumicën e trupit kur banesa e tyre u përfshi nga flakët. Ngjarja ka ndodhur në komunën Firenzuola në provincën e Firences.
Mediat italiane shkruajnë se nga flakët kanë pësuar lëndime të rënda nëna 40 vjeçare dhe dy fëmijët e saj, një vajzë 11 vjeç dhe vëllai i saj 8 vjeç.
Mjekët shprehen se gjendja e tyre është kritike.
Nuk ka ende një version zyrtar, por deri më tani, dyshohet se shkak për zjarrin është bërë një lojë e fëmijëve, të cilët kanë ndezur një çakmak e më pas flakët kanë përfshirë banesën.
