Për këdo që ka kryer të paktën 3 vite arsim të lartë, e di mjaft mirë se një nga shprehjet që qarkullon më shpesh është se nëse nuk provon katrën dhe vjeshtën nuk quhesh student.
Mirëpo vjeshta nuk është vetëm për ata që nuk marrin notë kaluese në provime, është dhe për studentët që gjatë vitit detyrohen të bëjnë punë dhe nuk marrin dot notën që donin, apo të tjerë që kërkojnë mesatare për një mundësi kualifikimi jashtë vendit.
Të gjithë këto duket se janë ‘harruar’ sot nga kryeministri Edi Rama, kur thoshte se shteti nuk do të paguajë për ngelësit. Lidhur me këtë situatë ka qenë aktivistja Rezearta Caushaj ajo që ka një sqarim për kryeministrin Rama.
Statusi i plotë i saj:
Ktheji përgjigje kësaj z. Kryeministër!”,
Në fund të vitit të tretë të Universitetit kisha grumbulluar plotë 6 provime për ripërsëritje gjatë tre viteve studime. Kjo përveç ndonjë provimi në vjeshtë që kisha hedhur për lehtësi studimi sepse ke më shumë kohë në dispozicion.
Motivi: Kisha marr 9 (tek-tuk një 8 )dhe doja përmirësim. Dhe mora përmirësim.
Ishte një përllogaritje e imja për të maksimizuar rezultatet.
Kryeministri jonë vazhdon dhe mbështetet tek injoranca e përgjithshme, duke quajtur “ngelës” studentët që japin provime në vjeshtë.
E vërteta është që “vjeshta” në universitet nuk është ekskluzivitet i studentëve ngelës.
Universiteti nuk është shkolla 9 vjeçare.
Studentët janë të rritur që edhe punojnë dhe kanë nevojë për një sistem që t’iu përshtatet nevojave të tyre.
UL TARIFAT, LERI MANIPULIMET!
