Aksioni “Fundi i Marrëzisë” për mbylljen e lojërave të fatit, sipas “Top Story”, solli edhe prishjen e marrëdhënieve mes Fatmri Xhafajt dhe Saimir Tahirit.
“Përplasja mes Saimir Tahirit dhe Fatmir Xhafajt ishte lidhur fort me kryebashkiakun Veliaj dhe të gjitha sherret të çonin në një drejtim, atë të kontrollit të Partisë Socialiste, pasi ta dorëzojë Edi Rama.
Njësoj si me komunistët, Nanon, Majkon, Ruçin dhe Ramën, tashmë Xhafaj do të ngjitej pas kryebashkiakut Erion Veliaj, pasi besonte fort se mund të ishte lideri i së ardhmes në Partinë Socialiste. Miqësia Xhafaj-Veliaj, ishte edhe në nivel familjar. Dhëndërri i Xhafajt, zoti Ditjon Baboçi, i cili është i fejuari i vajzës, punon si drejtor i Urbanistikës në Bashkinë e Tiranës”, thuhet në dokumentarin e ‘Top Story”.
Më tej, thuhet se pas emërimit në ministrinë e Brendshme, Fatmir Xhafajt shkërmoqi klanin Tahiri ndërsa vijon më tej duke thënë se “në media rrodhi dosja Habilaj, ku implikonte ish-ministrin e Brendshëm në trafikun e drogës. Zërat ishin se Fatmir Xhafaj e kishte dorëzuar me dorën e tij këtë dosje tek një media”.
