Një aksident i rëndë ka ndodhur këtë të mërkurë në Pogradec, ku një person ka mbetur i plagosur pasi është përplasur nga një makinë. Sipas policisë mësohet se aksidenti ka ndodhur rreth orës 11:45 në aksin rrugor Korçë-Pogradec, ku drejtuesi i mjetit tip “Audi” Fiordi Miminllari ka përplasur shtesain me inicialet N.H. 75 vjeç.
Bëhet e ditur se i plagosuri 75 vjeçar është dërguar menjëherë në Spitalin rajonal të Pogradecit, ndërsa mësohet se ndodhet në gjendje të rëndë shëndetësore.
Ja njoftimi i plotë i policisë:
Më datë 05.12.2018, në orën 11.45, jemi njoftuar se në aksin rrugor Korçë-Pogradec, në fshatin Çërravë, mjeti tip “Audi” me drejtues shtetasin F.M, ka aksidentuar shtetasin Nj.H, rreth 75 vjeç, këmbësor në rrugë, i cili u dërgua në Spitalin e Pogradecit, aktualisht në gjendje të rëndë shëndetësore.
Drejtuesi i mjetit, u shoqërua në Komisariat për veprimet të mëtejshme proceduriale.
Po punohet për të zbardhur rrethanat e ngjarjes.
