Basketbolli shqiptar pranohet nga FIBA si Vend Organizator e Kampionatit Europian U16 Djem-Div C. Lajmi bëhet i ditur nga presidenti i Federatës së Basketbollit Avni Ponari. Për herë të parë, një aktivitet i kësaj grupmoshe do të organizohet në Shqipëri dhe i pari po ashtu në nivel kampionatesh ndërkombëtare zyrtare.
Kreu i Federatës thotë se kjo arritje erdhi si rrjedhojë e lobimit të kujdesshëm dhe angazhimit serioz të FSHB-së.
10 ekipe kombëtare të moshës 16-vjeçare do i japin gjallëri Basketbollit dhe jetës në qytetin e Tiranës. Përveç ekipeve pritet të vijë një numër i madh vizitorësh e mbështetësish për ekipet e tyre San Marino, Gjibraltari, Uellsi, Andorra, Malta, Austria, Armenia, Skoci, Azerjbaxhan, nga datat 14 – 21 korrik 2019.
“Standartet e FIBA, kane qene perjashtuese per Shqiperine si vend organizator por lobimi i kujdeshem vajtje ardhjet analizat dhe mbi te gjitha besimi qe FSHB e Shqiperise i dha FIBA Europe na celi nje porte te mbyllur prej shume vitesh. E tani e kemi ne ne dore do jemi vijues ne veprimtari te tjera e kjo varet nga ambjenti qe do u krijojme dhe ajo qe do ofrojme per djemte e basketbollit”, thotë Ponari.
Ky test që do t’i bëhet Shqipërisë si organizatore, do të vlejë për aktivitete të ardhshme, të kësaj rëndësie, të cilën ne shpresojmë se do ta realizojmë me mjaft sukses.
“Tanimë është bërë histori për basketbollin shqiptar, pjesmarrja masive për të 5-tin vit radhazi, në kompeticionet ndërkombëtare të grupmoshave dhe kategorive djem e vajza. Dhe duhet thene Basketbolli po vjen por duhet bere shume,deshira eshte e madhe e sportistve por mbeshtetja akoma nuk eshte atje ku duhet.Me një guxim të jashtëzakonshëm. Kemi pranuar të jemi pjesë e basketbollit europian edhe pse të ndërgjegjshëm për nivelin dhe kushtet infrastrukturore dhe financiare.
Kemi pranuar të jemi pjesë, pa u tërhequr, me shpresën se e ardhmja e basketbollit do të shënojë rezultate të mira. Kemi pranuar të marrim eksperiencën e munguar edhe pse me një kosto të lartë , financiare, morale dhe profesionale për ne. Le ti urojme ekipit tone kombetare suksese. Javen tjeter do njihemi edhe me trajneret e ketij ekipi. Gjejmë rastin, që përveç, lançimit të këtij lajmi, t’i bëjmë thirrje Institucioneve mbështetëse, dhe të gjithë komunitetit të basketbollit, të jetë pjesë e këtij eventi duke mbështetur për të dhënë më të mirën. Urime basketbollisteve te kombetares Shqiptare”, shton kreu i Federatës së Basketbollit, Avni Ponari.
