Të mërkurën, emisioni investigative ‘Top Story’, doli në përfundimin se gjatë tre viteve të fundit në Vlorë janë zhdukur 80 persona, si shkak i trafikiut të drogës; lajm që u konfirmua edhe nga prokurorja Flora Çela.
Pjesë e stafit të realizimit të dokumentarit ishte edhe gazetarja e Birn, Lindita Çela, e cila dha detajë lidhur me xhirimet e emisionit.
“Unë kam qëndruar më shumë se një javë në Vlorë. Ne jemi gazetarë dhe e dimë shumë mirë që mes dëshmive dhe të dhënit nëpërmjet pamjeve ka ndryshim. është sensitive dalja në televizion, është e sikletshme për këdo që nuk është person publik, jo më për persona që kanë të bëjnë me trafikun e drogës, gjë që s’është e re në Vlorë.
Situata është ndryshe në këtë rast. Gjëja e parë që më ka bërë përshtypje është që njerëzit nuk dilnin darkave pas orës 8-9. Vlora ishte bosh të imagjinosh që ne ishim aty dy javët e para të nëntorit, ku nuk bënte as shumë ftohtë. Dëshmitë ka qenë shumë e vështirë, pasi i kam gjetur dhe kanë ndërruar mendjen pasi i marrin në të telefon dhe ju thonë mos flisni. Kanë qenë dy raste të tilla që nuk kanë folur nga presioni. Por ka dhe nga ata që kanë folur. Këta persona janë përfshirë në trafikun e lëndëve narkotik”, sqaroi Çela në emisionin ‘Open’.
Në një deklaratë të dytë, Prokuroria e Vlorë u shpreh se numri i personave të zhdukur është 23 dhe jo 80, duke u justifikuar se shumë përsona të tjerë janë larguar me dëshirë nga shtëpitë e tyre.
