Festat e ditës së Pavarësisë festohen me më shumë pasion dhe kënaqësi nga emigrantët që jetojnë jashtë vendit. Këtë herë, rasti më i veçantë ka ndodhur në Belgjikë.
Gëzim për këtë ditë të shënuar nuk ka patur vetëm në Shqipëri, pasi edhe shqiptarët e diasporës kanë festuar në mënyra të veçanta Pavarësinë e Shqipërisë.
Qindra qytetarë janë mbledhur bashkë në rrugët e shteteve ku jetojnë, te veshur kuq e zi për të nderuar Shqipërinë. Por një gjest i veçantë ka ardhur nga shqiptarët që jetojnë në Belgjikë.
I famshmi Manneken Pis (Cunaku Shurrëmadh) në qendër të Brukselit është veshur me veshjen tonë kombëtare. Fotot janë shpërndarë me shpejtësi në rrjet, ku si diçiturë kishin, mbishkrimin “Gëzuar Shqipëri”!
