Ka nisur protesta e banorëve të Unazës së re, të cilët janë kundër shkatërrimit të banesave të tyre nga qeveria.
Duke folur , njëri nga banorët ka treguar se këtu protesta do të vazhdojë jo veç 1 muaj, por edhe 10 vite.
Banorët i janë përgjigjur edhe kryebashkiakut të Tiranës, duke i thënë se nuk janë burracakë e frikacakë.
‘Erion nuk jam unë frikacak, nuk jam burracak. Kam 30 vite që jetoj këtu. Ne e kemi bërë Unazën e re dhe i kemi dhënë emrit.
Ai më thotë mua të të çoj me qira në Shkozë. Kë të çojë ai atje në Shkozë, se nuk dua të prish gojën.
Unë jam i majtë dhe ia kam dhënë votën PS-së gjithmonë, por nuk votojmë më.
Kemi 1 muaj këtu, e jo një muaj, por 10 vite ne këtu do të jemi.
Kam punuar 5 vite në emigracion dhe nuk i investova lekët atje, por i investova në Shqipëri.
Askush nuk ka zënë tokë këtu, të gjithë e kemi blerë tokën këtu’, tha banori i Unazë së re.
