Jepet masa “arrest në burg” për 18-vjeçarin Daniel Dobraj, i cili aakuzohet për plagosjen me kapsoll të efektives Nuku. Vendimi u mor me dyer të mbylluyra dhe pa pranin e avokatit të popullit.
Gjykata e Tiranës ka dhënë masën e sigurisë “arrest me burg” ndaj tij duke pranuar kërkesën e prokurorisë.
Danieli 18-vjeçar që u arrestua më 23 nëntor, një ditë pas protestës para parlamentit ka mohuar kategorikisht se ka qenë ai që hodhi kapsollën që plagosi rëndë policen.
Ai tha se kishte marrë pjesë në protestë ndërsa pohoi se nuk kishte përdorur sende të kundërligjshme.
18 vjeçari, Daniel Dobraj, i cili dyshohet se është autori që hodhi kapsolle ndaj polices, Ina Nuku, doli sot para gjykatës për vlerësimin e masës së sigurisë.
Seanca nisi në orën 15:00 pas disa minutave tensione pasi në sallë kanë qenë të pranishëm shumë deputetë të LSI-së dhe PD-së dhe shumë familjarë e gazetarë, kjo nxiti prokurorin që të kërkojë që seanca të mbahej me dyer të mbyllura.
Nga ana e deputetëve të opozitës u quajt një metodë për të fshehur dhunën që ishte ushtruar nga policia ndaj të riut.