Nga Boldnews.al
Sa herë është në hall kryeministri Edi Rama rend drejt zonave bastion të së majtës, për të treguar mbështetjen, vijimësinë qeveritare dhe se ka përkrahjen popullore. Një mënyrë që nuk e shpëton dot nga padrejtësitë që po i bën vendit. Protesta e banorëve të Unazës së Re në dukje një revotë fare lokale, mund të kthehet në shkëndijën e protestave masive në vend kundër keqeverisjes, kundër rritjes së taksave, kundër korrupsionit qeveritar në konçensionet e rrugëve, kundër aferave të dukshme e padukshme të një grupi ministrash më në krye Ramën.
Kryeqeveritari dje shkoi në Libofshë të Fierit. Prej andej fliste për banorët e Unazës së Re në Tiranë që do u shemben shtëpitë. Nga aty priste e hidhte batuta me të përzgjedhurit e dekorit popullor. Por kjo botë e rremë nuk e shmang dot revoltën që mund të nisë qoftë edhe nga një grup i vogël qytetarësh e nëse merr përmasa më të mëdha, Edi Rama është i rënë. Padyshim që kryeministri ka në duar “planin B”, që e vë në zbatim nëse e kupton se revolta po shkon drejt zyrës së tij. Ai del publikisht, kërkon falje, qoftë edhe me zë e gjunjë që i dridhen. Tërhiqet nga ajo nismë për ti dhënë kohë sërish qeverisjes virtuale…
Për të zbutur mërinë popullore, Rama po i jep edhe një forcë më shumë propagandës. Njeriu në hije që bën propagandën qeveritare Endri Fuga, jeton vetëm në saj të internetit. Koka e “agjitacionit dhe propagandës” kërkon të japë një shqipëri ndryshe, një vend që lulëzon nga të mirat ekonomike, një shtet që ka rend, një qeveri që “sfilitet” për qytetarët e saj. Të mendohet për një moment që vetëm dy javë të ketë “shkëputje sinjali”, interneti mos mos kapë shqipërinë…
Rama nuk do ketë mundësi të bëjë propagandë, të mos hedhë e presë batuta, të mos merret me kundërshtarin politik, të mos jetë në gjendje të shpifë e shpikë shifra që nuk ekzistojnë. Mendoni për një moment që vetëm dy javë të vetme Lali Eri të mos dalë në madia. Nëse kjo do ndodh, qeveria është e rënë!
Gjithçka funksionon në një qeverisje virtuale, të një bote të rreme ku edhe të uriturit duhet ti mbushet mendja se po jeton mirë. Që të dhunuarit i thuhet se ishte thjesht përkëdhelje, të pastrehëve tu mbushet mendja se jetojnë në shtëpi komode, që qytetarit që administrata shtetërore i ka nxirë jetën t’i thuhet se po e shpjegoi hallin në portalin qeveritar ai do i zgjidhet. Gjithçka një botë viruale propagandistike. Deri më tani Rama ia ka dalë që të turbullojë mendjet e shqiptarëve me propagandë, por koha po tregon se besimi ka rënë, njerëzit po kuptojnë të vërtetën që u është shitur një Shqipëri që është vetëm në botën vituale të propagandistëve ekzemplarë të pashoq si Endri Fuga dhe Eron Veliaj.
Edhe sot kryeministri e gjeti një mënyrë për të bërë propagandë, shumë të ulët, por të ndjekur prej kohësh nga “ministri i tij më i sukseshëm i të gjithë kohërave Saimir Tahiri”.
Në ministrinë e Brendshme mëngjesi nisi me dekor. Të 134 makinat e blera me taksat tona, nën fshehjen e ndonjë afere me konçensionarët (oligarkët e kryeministrit), ishin vendosur në oborrin e dikasterit të rëndësishëm. Mbajti fjalim edhe ministri i ri i brendshëm Sandër Lleshaj, por në pronocimin e shkurtër theksoi se më shumë se modernizimi me mjete vlen përgatitja e efektivëve duke nisur që nga shkolla. Në të vërtetë ky është thelbi, por krejt ndryshe ishte fjala e kryeqeveritarit, që e nis dhe e mbylli me dekorin e makinave, me unformat e reja, me vënien në ballë të policeve femra, me gjithçka tjetër të përciptë që është fazadë dhe aspak thelb.
Mbledhjet e qeverisë shkojnë deri në absurd, kur performanca e çdo ministrie matet me sa pëlqime nga në rrjetet sociale, sa shumë janë shpërndarë e komentuar deklaratat. Asgjë në prekje të thelbit të problemeve vetëm imazh i kuruar, podrosje e një fytyre në nxirë nga korrupsioni dhe aferat në shifra të çmendura që po thellojnë gropën e borxheve në buxhetin e shtetit.