Kryeministri Rama nga një takim me banorët e Libofshës ka deklaruar se nuk do të ketë më sorollatje të qytetarëve për pronën e tyre pasi kjo do të zgjidhet duke shkrirë në një Hipotekën dhe Aluiznin duke krijuar Agjencinë Kombëtare të Trajtimit të Pronave.
Shefi i qeverisë përsëriti faktin se nuk do të ketë asnjë legalizim, aty ku ligjin e ndalon një gjë të tillë.
“Mbyllim procesin e legalizimeve, por siç do të flasë më në detaje edhe ministrja e Drejtësisë, këtu në këtë zonë do mbyllim procesin e Legalizimit.
Njerëzit e dinë se çfarë kanë hequr shko tek Hipoteka shko tek Aluizni, një tmerr pa fund, që ne e kemi trajtuar dhe lehtësira, por nuk e kemi zhbërë, por kjo do të marrë fund me këtë reformë për mes Agjencisë Kombëtare të trajtimit të Pronës, Ky është një mekanizmin, por brenda saj do të ketë një mekanizëm, saktësisht një avokat”, tha Rama.
Gjithashtu Rama theksoi faktin se në zonën e Libofshës ka përfunduar procesi i legalizimit, por shtoi se ka disa godina që nuk kanë marrë një të tillë, pasi ligji e pengon një gjë të tillë.
“Qytetarët do ta përdorin pa shkuar më parë në gjykatë. Sot ne e çelin këtë proces se së shpejti drafti i ri do të shkojë në parlament dhe brenda 6 muajorit të vitet të ardhshme do të kemi një adresë të re, pas kaq shumë historish me problemet e pronës. Disa të dhëna ia vlejnë, pasi ky takim ishte planifikuar më parë. Procesi i legalizimit këtu është mbyllur, por ka godina që nuk legalizohen pasi këtë e bllokon ligji. Nga ana tjetër kam mirëkuptim për këta njerëz dhe kthimi i këtyre pronave tek publiku dhe komuniteti do të bëhet mbi bazën e trajtimet njerëzor, kur bëhet fjalë për strehë për shtëpi. Ne kemi vendosur banuesin e qerasë, Nuk mund të legalizoj dot kur ndërtohet aty ku nuk lejohet”, shtoi Rama.
