Banorët e “Unazës së Re” vijojnë të përçudnohen nga Bashkia dhe Qeveris si të ishin të huaj apo pushtues në këtë vend. I pari që përdori një fjalor vulgar dhe fyes për ta, duke i quajtur “shpellarë”, ishte Erion Veliaj, por i vënë në qendër të furtunës mediatike dhe politike, ai u tërhoq duke thënë se e kishte për deputetët e PD dhe jo banorët.
Por pas protestës së djeshme, është Arbi Mazniku, vasal i Veliajt dhe Ramës ai i cili me një gjuhë të theksusr prej një fashisti të vogël i rikthehet fjalorit “shpellarë” për banorët që duan të mbrojnë banesat e tyre nga fadromat e korrupsionit 40 mln euro të Ramës dhe Salillarit te “Unaza e Re”.
“Mbetja” Sorosiane tha se atë etiketim e meritojnë të gjithë ata persona që kanë goditur mbi Policinë Bashkiake dhe Policinë e Shtetit.
“Ata që kanë shkuar aty për ti yshtur, që kanë ardhur tek dera e Bashkisë dhe kanë goditur policët bashkiak dhe sigurisht ata që sot kanë goditur policët e meritojnë plotësisht atë fjalë. Ai që ka ngritur dorën sot kundër policëve dhe asaj vajze që sot është pa gishta, e meriton atë fjalë kokë për kokë. Ata persona të veshur politikisht dhe që erdhën dhe goditën policët e Bashkisë të cilën nuk u përgjigjën e meritojnë plotësisht atë term”, deklaroi Mazniku.
Në fakt, pas këmbënguljes së Erion Veliajt se ata që duan të mbrojnë shtëpitë e tyre janë “shpellarë”, do ishte mirë, nëse ka guxim, të dilte njëherë përpara këtyre njerëzve që po i margjinalizon politikisht dhe tua thotë në sy atë dërdëllis vetë ose përmes megafonëve të tij…
