Efektivja e policisë Ina Nuka, e cila mbeti e plagosur një ditë më parë në protestën e banorëve të “Astirit” para Kuvendit të të Shqipërisë, do të transportohet për në Turqi për një mjekim më të specializuar, ku do t’i nënshtrohet një operacioni për implantin e gishtit të prerë nga kapsolli.
Ndonëse u tha se do të udhëtonte drejt Stambollit, mësohet se kjo nuk do të ndodhë, pasi ajo do të udhëtojë drejt Ankarasë.
Fax News ka mësuar se udhëtimi i Ina Nukës nuk do të bëhet me “Charter”, pasi deri në këto momente nuk ka hyrë në Rinas anjë avion i tillë, por ajo do të transportohet me avion normal të transportit të pasagjerëve.
“Asnjë avion privat nuk ka hyrë në territorin shqiptar, parashikohet që sëbashku me familjarët të niset me një avion të linjës. Ankaraja do të jetë një nga spitalet ku do të shkojë Ina. Ka dalë nga reanimacioni që gjatë orëve të paradites ndërsa vetëm familjarët janë lejuar ta viziotojnë. Këta të fundit kanë qenë nervozë pse po zgjatet transporti i saj drejt Turqisë. I është thënë që do të jetë një aeroplan privat që do ta transportojë, por në territorin tonë nuk ka hyrë asnjë i tillë”, – tha në raportimin e saj nga Spitali i Traumës gazetarja.