Një nga protestuesit më aktiv të protestës së banorëve të Astirit, Dritan Protoduari është shoqëruar nga policia tek spitali i Traamës, ku po vizitonte të ëmën e cila ishte po mjekohej pasi ishte dhunuar gjatë protestës.
Protoduari është shoqëruar në makinën e policisë forcërisht, ndërkohë ka ndërhyrë dhe deputeti i PD-së Klevis Balliu, por policia e ka marrë me dhunë për në komisariat.
Babai i Dorian Protoduarit i cili gjendej në spital për të vizituar të shoqen e tij, u shpreh se ato po protestonin në mënyrë paqësore për shtëpinë e tyre dhe se forcat e policisë i kanë goditur.
“Unë nuk jam barabar jam protestues për shtëpinë time. Forcat e policisë goditën gruan time. Nuk më lejojnë që të futem në spital. Mund të kem fatin të më dhunojnë dhë mua pak më vonë. Ankohet shumë nga barku dhe nga kurrizi, e kanë qëlluar me shkop gome, nuk më lejojnë që të futem brenda që ta shoh gruan. Mallkuar qoftë Fatos Nano që na e solli nga Parisi, ta dijë mirë Edi Rama që nuk na mposhtë dot. Nuk po flas në inat e sipër, mallkuar ju o popull që e votuat atë njeri!”, shprehet babai i Dorian Protoduarit.
