Nga Boldnews.al
Për një rikandim të dytë në Bashkinë e Tiranës Lali Eri është i gatshëm të shesë gjithçka, të zhvishet nga çdo grimcë personaliteti, (fare pak mund ti ketë mbetur), të tregojë veten si misionar, ndërsa realisht është vetëm një kryelokalist. Gjithçka e bën në shërbim të një qëllimi: Të rikandidojë për kryebashkiak dhe të jetë fituesi i saj në mandatin e dytë radhazi.
Kjo është ëndrra e parë e Lali Erit, por jo e fundit! Një tjetër shfaqet ende e pandërtuar, por që do nisë të bëhet edhe më e afërt kur ai të ketë siguruar karrigen e kryebashkiakut. Atëherë do i duhet të mendojë për një tjetër qëllim; ti marrë partinë Edi Ramës dhe në një të afërme të bëhet kryetar qeverie. Ai ia ushqev vetes këtë ide, pse jo nga mënyra si komunikon, si kërkon të zaptojë çdo ekran, e përfytëron veten kryeministër, madje në kokën e tij mund të ketë krijuar edhe “kabinetin në hije”.
Dhe nuk është aspak çudi që nëse Rama e lë të “lirë” në ndeshjen “propagandë qeveritare-propagandë bashkiake” dhe arrin të fitojë, sikurse deri tani duket në avatazh, atëherë karizmatiku Erion, mund të kthehet në rivalin kryesor për të nxjerrë përfundimisht nga politika vetë Edi Ramën. Për aq kohë sa edhe LSI-ja e mbështet, qoftë edhe duke e mos sulmuar, Lali Eri është krijesa “Mjaftiste” që atë që PD e LSI bashkë nuk e bëjnë dot, arrin ta bëjë një perzonazh i gatuar si pjellë mediatike, Erion Veliaj.
Ai është i ngjashëm me propagandistët e vegjël komunist me tru të shpëlarë nga sitemi të viteve 70’ në Shqipëri që propagandonin se “feja është opium për Popullin” dhe se vetëm drita e ndritur e partisë ishte besimi i vërtetë, “Perëndia”.
Opiumi është ajo lloj droge që të fut në haluçinacione, që beson të pabesueshmen, qëndron jashtë realitetit dhe përfshihesh në një botë të rreme. Kur e kupton që e gjitha ishte një iluzion, atëherë është tepër vonë, pasi “lënda psikotrope” është futur në gjak dhe e ka ajo komëndën e jëtës. I tillë është edhe Lali Eri që propagandën mediatike, iluzive dhe gjithçka tjetër po e kthen në qëllim kryesor për të futur në botën e sureales elektoratin. Zgjedhësit, qytetarët e Tiranës po i manipulon që të vijë një moment kur të bëjnë “be” për kokën e Lali Erit…
E gjithë qeverisja, qëndrore e lokale është një botë vituale ku kryeministri në njërën anë shet një shqipëri ndryshe, që nuk ekziston, por e propagandon si të vërtetë, ndërsa Lali Eri nga ana tjetër vijon edhe përtej iluzives. Ai tregon një Tiranë të ndryshuar, shfaq veten si misionar, ka mundur që me pushtetin finaciar të bashkisë të ofrojë të mira për grupe oligarkësh, ku më të privilegjuarit janë pronarët e mediave.
Lali Eri shfaqet çdo ditë, në ekrane ku edhe punën më të zakonshme të bashkisë që mbahet me taksat tona, e shet si një “investim të jashtëzakonshëm”. Gradualisht po e kthen veten në mit, e si i tillë është edhe me keq se opiumi. Tashmë këtë njeri nuk mund ta ndalë askush, edhe vetë Rama e ka të vëshirë ti presë hovin krijesës së tij. Në kushte të tilla kur vendi po bombardohet me propagandën e madhe qeveritare e lokale I vetmi shpëtim është huazimi i fjalëve të Edi Ramës: “Hëngshin kokat e njëri-tjetrit”. Kur u shpreh në këtë mënyrë kishte parasysh grupet kriminale. Edhe këta dy personazhe, Edi Rama dhe Erion Veliaj mund të hanë kokat e shoqi-shoqit.
