Kryeministri hungarez Viktor Orban duhet të ofrojë një “shpjegim të shëndoshë” të vendimit për t’i dhënë azilin politik ish-kryeministrit maqedonas, Nikolla Gruevski.
Gruevski, i cili u arratis nga Maqedonia nëpërmjet Shqipërisë, tha të martën se Hungaria i kishte dhënë azil politik pasi përndiqej nga qeveria në vendin e tij. Gruevski u dënua me dy vite burg për akuzat e korrupsionit.
Johannes Hahn, komisioneri evropian për negociatat e zgjerimit të BE, shkroi në Twityter, se pret të shohë një raport për dhënien e azilit nga ana e Hungarisë, vend anëtar i BE-së.
“Nëse konfirmohet, unë pres një shpjegim të shëndoshë të arsyeve të saj nga Viktor Orban”, shkruan ai.
Maqedonia ka çelur negociatat për anëtarësimin në BE, në vitin 2005, por nuk ka filluar ende procesin e bisedimeve.
