Momente terrori në një spital të Chicago, Mercy Hospital, ku në ambientet e parkimit një burrë hapi zjarr ndaj një gruaje, ish e dashura e tij, njëherësh mjeke.
Më pas burri hyri brenda godinës dhe qëlloi pa kontroll deri sa u vra nga policia.
Si pasojë e të shtënave në total humbën jetën katër persona, ku përveç agresorit dhe ish-të dashurës së tij, mbetën të vdekur edhe një polic, dhe një grua.
Sipas dëshmitarëve, agresori po afrohej drejt parkingut me gruan, kur befas nxori armën dhe e qëlloi në kraharor. Madje ai vijoi ta qëlloi edhe pasi përfundoi në tokë.
Një agjent policie dhe një grua që po dilnin nga ashensori u qëlluan për vdekje nga vrasësi, i cili më pas u qëllua nga policia.
Kryebashkiaku i Chicago, Rahm Emanuel, tha se dy gratë që humbën jetën, ishte një mjeke dhe një asistente në farmaci.
