Cristiano Ronaldo arriti në Juventus këtë verë dhe tashmë po tregon të gjithë cilësitë që ai zotëron. Në 12 ndeshje në Seria A ylli portugez ka shënuar 8 gola, por ai mund të thyejë shumë rekorde të ndryshme në radhët e bardhezinjëve, ndaj ne do t’iu paraqesim më poshtë se cilat janë ato.
Nëse luzitani vazhdon me formën e tij të mirë duke shënuar gola, Ronaldo mund të bëhet lojtari i Juventusit me më shumë gola në një sezon të vetëm, pasi një rekord i tillë mbahet nga Ferenc Hirzer, i cili shënoi 35 gola në 26 ndeshje gati njëqind vjet më parë, saktësisht gjatë sezonit 1925-26.
Në të njëjtën kohë, Ronaldo potencialisht mund të bëhet lojtari me më shumë gola në kampionatin italian në një sezon të vetëm, ku një rekord i tillë mbahet nga italiani, Gino Rossetti gjatë edicionit 1928-29 me 36 gola.
Duke pasur parasysh, nëse ai vazhdon me këtë formë të mahnitshme dhe bëhet golashënuesi më i mirë në Itali, ai do të bëhet lojtari i parë në historinë e futbollit për t’u bërë golashënuesi më i mirë në Premier Ligë, La Liga dhe Serie A. Fituesi pesë herë i “Topit të Artë” fitoi tre herë radhazi Champions League në radhët e Real Madrid dhe një herë te Manchester United, ku luajti për plot gjashtë sezone.
Qëllimi dhe objektivi i vetëm i Juventusit në këtë sezon është që të triumfojë në Ligën e Kampionëve, dhe kjo do të shkruante histori edhe për Cristiano Ronaldon, pasi do të fitonte tre tituj Champions me tre skuadra të ndryshme duke u bërë futbollisti evropian që fiton me “Los Blancos” katër të tillë dhe me United në vitet 2007-08. Një rekord i tillë mbahet nga Clarence Seedorf që ka fituar me Milan, Real Madrid dhe me Ajax, shkruan SportPlus.
Dhe së fundmi, ndoshta më e thjeshta e të gjithë atyre që listuam më sipër: nëse Juventusi ia del që të fitojë kampionatin për herë të tetë radhazi, Ronaldo do të bëhet lojtari i parë në historinë e futbollit që arrin të fitojë tituj në Angli me Manchester United, Spanjë, Real Madrid dhe Itali. Shkurtimisht, ky mund të jetë një sezon rekordesh për yllin portugez.
