Nga Boldnews.al
Kryebashkiaku i Tiranë Lali Eri, njeriu me pompimin më të madh mediatik, po favorizohet edhe nga opozita. Marrëveshja e heshtur që qarkullon në korridoret e Partisë Demokratike dhe LSI-së është që Veliaj të mos preket dhe sulmi të përqëndrohet vetëm ndaj kryeministrit Edi Rama.
Alkimia mes Veliajt dhe LSI-së nuk është më e fshehtë dhe çështje muajsh kjo tërheqje mund të përfundojë në “bashkëjetesën” e fortë (të llojit treshe), Veliaj-PD-LSI. E shohin si pasardhësin e Edi Ramës, ose më saktë njeriun që sot për sot është më i denji për të bluar nga brenda këmbët e karriges së kryeministrit.
Duke qenë bashkia më e madhe në vend, me qarkullim të jashtëzakonshëm fondesh prej rreth 300 milionë euro në vit, Veliaj ka krijuar oligarkët e tij dhe po punon jashtë suazës së kryeministrit. Pavarësia ekonomike, pompimi mediatik si “shpërtimtari i kryeqytetit” po i japin kredite shtesë Lali Erit. Fare të pakëta janë denocimet e opozitës ndaj Veliajt dhe nuk kapin çështjen e miliona aurove që fitrojnë nga buxheti i bashkisë por ngrenë problematika të vogla, që më shumë se pickojnë Lali Erin, e përkedhëlin atë.
Me parimin; “armiku i armikut tim është miku im”, opozita po kërkon dobësimin e mazhorancës jo me rritjen e saj dhe atlernativat që u jep qytetarëve, por me bluajtjen nga brenda të Rilindjes. Shenjat janë dhënë në afrimin e Fatmir Xhafajt me Erion Veliajn si dy figura që plotësojnë një të tërën; brezi i ri Rilindje i përfaqësuar nga Veliaj; dhe “xhaketa e vjetër” Parti Socialiste e personifikuar me Fatmir Xhafajn dhe grupin e tij.
Këshilltarët bashkiak të PD-së dhe LSI-së kanë disa muaj që nuk po bëjnë opozitën. Vendimet kalojnë në heshtje dhe këshilltarët nuk marrin pjesë në mbledhje. Kjo më shumë se një “bojkot”, mbetet taktikë e opozitës për të veçuar Veliajn nga sulmet. Asnjë zë për të qenë nga radhët e opozitës në Këshillin Bashkiak nuk po i bën oponencën Lali Erit mbi përdorimin e fondeve, abuzimet dhe mënyrën si po qeveriset Tirana.
Në një situatë të tillë opozita, veçanrisht LSI, synon që të rrisë edhe më shumë politikisht Erion Veliajn. Një mandat i dytë i tij për bashkinë e kryeqytetit do i jepte edhe më shumë kredo dhe një perzonazh i denjë për të shembur përfundimisht Edi Ramën nga pushteti. Përplasjet Veliaj-Rama edhe pse jashtë syve të publikut janë të pranishme.
Kryeministri Edi Rama ka menduar seriozisht një mënyrë të shuar politikisht “kryepropaganduesin” Veliaj dhe këtë e lidh pikërisht me idenë për të mos e kandiduar për të dytën herë si Kryetar i Bashkisë së Tiranës. Jo rastësisht emri i Ogerta Manastirliut po përflitet si kandidate e PS-së për Bashkinë e Tiranës.
Megjithatë për Ramën edhe ky veprim nuk do jetë aq i lehtë, pasi makineria propagandistike mediatike e Veliajt, shtuar këtu edhe një përkrahje indirekte nga opozita, kanë lënë shenjë për mirë në imazhin e Lali Erit. Ky kryebashkiak që rriti taksat dhe tarifat lokale të kryeqytetit disa fish, ka mundësinë ekonomike që edhe të bëjë investime të përcipta. Qëllimi kryesor mbetet propaganda dhe pompimi i personazhit të lindur si krijese mediatike dhe i rritur po me këtë pompozitet të shtirur, që më shumë se të qeverisë me akte, nisma dhe ndërhyrje në thelbin e problem të kryeqytetit, di vetëm të flasë dhe krijojë fasadë.
Ndaj Lali Eri është i qetë, opozita ka vendosur të mos ia nxjerrë të palarat, aferat dhe keq qeverisjen, përkundrazi, pa zgjedhur një formë malinje për t’i dhënë krahë indirekt. Shembulli është rasti i banorëve të Unazës së Re që preken nga ndërtimi i rrugës dhe mund tu shumebën rreth 300 shtepi janë ngritur prej dy javësh në protestë.
Për “çudi”, përfaqësuesit e opozitës që mbështesin këtë protestë janë disa personazhe të cilët nuk kanë impakt pozitiv tek qytetarët. Janë figura të konsmuara politike, kryesisht nga PD, që duket se futen enkas në këtë protestë, jo në mbështetje të qytetarëve, por për t’i dhënë një “dorë” indirekt Lali Erit.
