Aurela Hoxha është munduar të qartësojë edhe njëherë deklaratën e saj në lidhje me faktin se i ka fobi njerëzit e shëmtuar. Modelja, në një postim në Instastory ka theksuar se edhe librat e shenjtë flasin për një bukuri që buron nga shpirti dhe pasqyrohet në pamjen e jashtme.
Një deklaratë e Aurela Hoxhës në emisionin “Pop Culture”, shkaktoi shumë reagime në rrjetet sociale. Fakti që ajo tha se kishte fobi nga njerëzit e shëmtuar bëri që shumë nga personat që e ndjekin në rrjetet sociale t’i kujtojnë asaj se nuk është e bukur nga natyra por u është nënshtruar shumë operacioneve plastike, fakt të cilin modelja e ka mohuar gjithmonë.
Ditën e sotme në një postim në Instastory Aurela sqaroi edhe njëherë se e kishte fjalën për një bukuri që buron nga shpirti por që rrjedhimisht pasqyrohet edhe në pamjen e jashtme.
“Pra njerëz të mirë, e kam fjalë për këtë lloj bukurie, atë që nuk e them vetëm unë por e thonë libra të shenjtë e njerëz që kanë lexuar njëherë në jetë dhe e dinë çdo të thotë energji dhe shpirt i bukur. (nuk kam folur as për gjatësi këtu, as për buzë të trasha, as sy blu,”- shkruan Hoxha.
