Gjykata e Bergamos ka liruar nga akuza për tentativë zhvatje presidentin e Darfo Boario, skuadër e Serisë D në Itali, Gëzim Sallaku dhe vëllanë e tij Saimir. Të dy u akuzuan se në vitin 2010, kishin ndaluar një sipërmarrës dhe e kishin kërcënonte të shlyente 40 mijë euro plus interesin (tetë për qind në muaj, 51% në vit) tek fajdexhiu nga Bergamo Mario Gaspani. Gjithashtu, akuzat ishin se presioni ishte bërë edhe përmes celularit.
Gaspani u ekzekutua disa muaj më vonë, krim për të cilin është pas hekurave e shoqja si urdhëruese.
Saimir Sallaku është aktualisht në burgg për trafik droge, ndërsa Gëzimi, i cili u arrestua një javë më parë për armëmbajtje pa leje të tre pistoletave, të gjetur në shtëpinë e tij, u lirua pas dy ditësh në qeli.
/Boldnews.al/
