Ish-ministri i Drejtësisë, Gazmend Bardhi i ftuar në “Opinion” deklaroi se pas një hetimi të nisur kryesisht në shkurt të 2016-s, Prokuroria për Krime të Rënda vuri nën përgjim dhe vëzhgim Emiljano Shullazin dhe miqtë e tij.
Bardhi u shpreh se mes dhjetëra telefonatave të përgjuara, dy prej tyre tërhoqën vëmendjen e prokurorëve.
Ai tregoi se në rrjetën e përgjimit, kishte rënë Jurgis Çyrbja, ish-zyrtar i lartë i hipotekës në Durrës, aktualisht deputet i Partisë Socialiste.
Sipas tij, sapo një oficer i policisë gjyqësore shkoi në zyrat e hipotekës në Durrës për të sekuestruar praktikën e regjistrimit të ish-hotel Vollgës, Çyrbja telefonon Gilmando Danin, i konsideruar si krahu i djathtë i Shullazit.
Këshilltari ligjor në PD u shpreh më tej së Çyrbja është deputet i Kuvendit të Shqipërisë me ndihmën e kësaj bande, pasi, sipas tij, socialistët e kanë kthyer në sistem bashkëpunimin me krimin e organizuar.
