Banorët e Astirit kanë bllokuar rrugën edhe mbasditen e sotme, duke shënuar kështu ditën e 11 të protestës. Banesat e tyre preken nga projekti i Unazës së Re dhe ata kanë protestuar në forma të ndryshme për të evituar shembjen e tyre.
Me pankarta ku shkruhet “S’jemi shpellarë, jemi qytetarë”, “Poshtë hajdutët”, “Shtëpia jonë, është jeta jonë’, banorët kanë qëndruar në rrugë, duke bllokuar edhe qarkullimin e mjeteve.
Sikurse edhe ditën e djeshme, disa prej protestuesve kanë bllokuar me goma një prej korsive dhe iu kanë vënë atyre flakën.
