Ministria e Puneve te Brendshme te Maqedonise njofton se tashme ka leshuar urdher arresti nderkombetar per ish-kryeministrin Nikolla Gruevski. Vendimi eshte marre pas dyshimeve se ai mund te kete lene vendin dhe te jete larguar jashte shtetit per t’i shpetuar prangave.
Mbrëmë Policia e Maqedonisë disa herë ka tentuar ta gjejë Gruevskin në shtëpinë e tij dhe selinë e partisë, por pa sukses, përcjell Telegrafi Maqedoni.
Një gjykatë maqedonase lëshoi mbreme një urdhër-arresti ndaj ish-kryeministrit Nikola Gruevski, i cili nuk u paraqit për të vuajtur dënimin me burg nën akuzë për shpërdorim detyre, njoftoi Ministria e Brendshme e Maqedonisë.
Policia e Maqedonisë është vënë në kërkim për ta arrestuar ish kryeministrin Nikolla Gruevski. Por, sipas informacioneve nga tereni “Zhurnal” mëson se përveç që po i kontrollon autmjetet që hyjnë e dalin nga garazhet e VMRO DPMNE-së, ata po kërkojnë edhe në disa lokacione tjera në Shkup, në mesin e tyre në lagjen Autokomandë dhe për rreth ambasadës së Hungarisë.
Jozyrtarisht “Zhurnal” mëson se Gruevski ka mundur të udhëtojë drejt Hungarisë, ku mund do të kërkojë azil politik. Policia aktualisht po pret që të marrë urdhër për t’u futur në zyrat brenda VMRO DPMNE-së, por ende nuk ka marrë një leje të tillë.
Urdher arresti
Mediat lokale, raportojnë se policia ka nisur një aksion për arrestimin e 48-vjeçarit. Efektive të policisë kanë bastisur edhe banesën e ish-shefit të qeverisë maqedonase, por deri më tani, nuk është raportuar arrestimi i tij.
Gruevski duhet të paraqitej në burgun e Shutkës për të shlyqer dënimin me dy vite burgim për rastin “Tank”, por nuk ishte i disponueshëm për autoritetet gjyqësore. Në këto kushte, u lëshua urdhër-arresti.
Ish-lideri i VMRO-DPMNE, Nikola Gruevski, qeverisi vendin nga periudha 2006-2016. Ai u dënua në Apel në muajin tetor për blerjen për përdorim personal të një mjeti ”Mercedes” me vlerë 600.000 euro, të paguar nga fondet publike.
Arrestimi i i tij u kërkua nga një gjykatë e Shkupit pas skadimit të afatit të caktuar për politikanin, sot deputet, për tu paraqitur në burg pas përfundimit të shqyrtimit të të gjitha rekurseve.
“Ministria ka marrë urdhër nga gjykata kryesore e Shkupit për arrestimin e Gruevskit”, deklaroi Toni Angelovsvki, zëdhënës i Ministrisë së Brendshme.
