Kancelarja gjermane, Angela Merkel ka mbajtur një qëndrim pozitiv ndaj idesë së krijimit të ushtrisë së përbashkët europiane. Pas presidentit francez, Emmanuel Macron që u shpreh para pak ditësh për krijimin e një ushtrie europiane, duke korrur kritika të forta nga presidenti amerikan, Donald Trump, edhe kancelarja Merkel u pozicionua në Strasburg.
Merkel u shpreh pro krijimit të ushtrisë evropiane, duke mbështetur kështu idenë e presidentit francez. “Ne duhet të punojmë për vizionin që një ditë të kemi edhe një ushtri të vërtetë europiane”, tha Merkel.
Kancelarja Merkel në fjalimin e saj preku edhe çështjen e euros duke theksuar, se euro mund të funksionojë si monedhë e përbashkët, vetëm nëse të gjithë i kryejnë detyrimet e tyre.
