Genc Sejko, i njohur ndryshe si ‘njeriu i memeve’, ironizon prej kohësh qeverinë dhe politikën shqiptare nëpërmjet fotomontazheve që publikon në rrjetet sociale. ‘Memet’ e tij kanë qenë shpesh herë pikante saqë kanë detyruar politikanë, siç ishte rasti i Majlinda Bregut, ta kërcënojnë me padi në gjykatë.
Por Sejko ka vendosur ta lërë për pak kohë mënjanë aktivitetin në ‘Facebook’ dhe të zbresë në terren për të protestuar kundër qeverisë. Ai ka paralajmëruar një protestë përpara Kryeministrisë kundër keqqeverisjes, kriminalitetit, korrupsionit dhe arrogancës.
Data dhe ora e protestës do të bëhen publike së shpejti dhe Sejko i bën thirrje bashkatdhetarëve që të bëhen pjesë e këtij aktiviteti civil.
Reagimi i plotë i Genc Sejkos:
Une dhe miku im Leandër Prifti kemi vendosur qe pushimet e fundvitit t’i kalojme ne Shqiperi. Duke qene se vijme nga Britania e Madhe dhe duke qene se nuk kemi nevoje te martohemi (pasi kemi mbaruar pune) e as dhembe per te rregulluar, vendosem qe: pushimet t’i kalojme duke protesuar para kryeministrise. Ftojme bashkatdhetaret tane qe jetojne brenda dhe jashte Shqiperise qe te mbidhemi te gjithe e te protestojme kunder keq-qeverisjes, kriminalitetit, korrupsionit dhe arrogances.
Data dhe ora e protestes do te konfirmohet se shpejti. Te interesuarit te komentojne ketu jo ne inbox. Nese nuk ke guxim te komentosh nuk ke guxim te protestosh.
P.S Nese nuk del askush do dalim une e Landi. E nese nuk del Landi do dal vetem.