Në zonën e ‘Astirit’ ka agravuar protesta e banorëve të cilët të irrituar edhe pas deklaratës së kryebashkiakut Veliaj kanë bllokuar rrugën dhe u kanë vënë flakën disa gomave që I kanë hedhur në rrugë.
Në këto momente kanë mbërritur edhe deputetët demokratë. Albana Vokshi në një deklaratë për gazetaren e ‘Fax News’ Eksiola Shehu ka thënë se se kjo që po bën bashkia dhe qeveria është e pligjshme dhe nuk e lejon as kushtetuta as konventat ndërkombëtare. Vokshi tha se Veliaj është I vetmi shpellar, dhe duhet të tërhiqet 1 orë e më parë.
“Erion Veliaj është i vetmi shpellar, është I vetmi që nuk i ka rrënjët e origjinës në Tiranë, sot ishte i trembur dhe ndaj u fut në shpellën e tij dhe foli me gjuhën e përçartur, sot dëshmoi se nuk është kryebashkik i të gjithë qytetarëve. Ai është kryebashkiak i oligarkëve. PD nuk është kundër projekteve zhvilluese, ama kundër projekteve klienteliste, është kundër që këto qytetarë të nxirren jashtë, qytetarët janë të në drejtën të tyre i mbron kushtetuta edhe konventa ndërkombëtare. Qytetarët të rezistiojnë deri sa të marrin të drejtat e tyre. Sot të gjithë duhet të jenë këtu, e gjithë Tirana të jetë këtu të solidarizohet. Erion Veliaj të tëhiqet 1 orë e më parë, jam e bindur se drejtësia do të fitojë”, tha ajo ndër të tjera.
Për ‘Fax News’ foli edhe deputeti Klevis Balliu. Ai ndër të tjera tha se kërcënimet e Veliajt janë boshe dhe se situata në protestë mund të përshkallëzohet edhe më shumë.
“Kanë 20 vite qe banojnë në këtë qytet dhe I mbushet mendja një të marri që njeh vetëm bandat. Kërcënimet e Veliajt janë boshe. Siç e shihni situate është përshkallëzuar dhe mund të përshkallëzohet më keq. Kur të ikën shpia të ikën koka, kur do të futen të gjithë ata fëmijë. Dëmshpërblimi është e vetmja mënyre. Kryeministri duhet të ulet të bisedojë me dhe t’I japë zgjidhje problemit”, deklaroi deputeti demokrat.
