Mbrëmjen e sotme, Kreu i PD, Lulzim Basha, në një intervistë në “360 Gradë”, lidhur me debatin për heqjen e simbolit të Shqiponjës tek rreth-rrotullimi në Tiranë dhe komenti i Ramës duke e quajtur vulgare dhe se ngjasonte me një hyrje kazinoje, ka reaguar sërish.
Basha ka thënë se ndër të tjera, Rama është kujdesur për ta fotografuar dhe filmuar momentin kur është hequr shqiponja, në të njëjtin kënd si rënia e shtatores së Enver Hoxhës. Basha tha se ai kopjon kritikët e tij, dhe se si bordello dhe kazino nuk dukej simboli i shqiponjës, por tenda me drita që ka bërë në hyrje të kryeministrisë.basha32
“Dimensioni psiqik i një njeriu të rënduar psikologjikisht i cili prodhon skandale të reja për të fshehur ato të vjetrat.
Sulmon simbolet që nuk i ka bërë vetë, vetëm sepse shqiponja përfaqësonte një moment që nuk lidhet me të dhe qeverinë e tij, prandaj e hoqi. E tradhton mania që kopjon kritikat që i bëhen atij, dhe e quan bordelo dhe kazino, sepse këto dy epitete ia kanë thënë për atë tendën që ka vënë para kryeministrisë.
U siguria ta fotografonte atë në pozicionin e rën8ies në të nijetin kënd e rënies së shtatores së Enver Hoxhës. Si mundet të fotografosh në rënie shqiponjën, për të poshtëruar shqiptarët? Se nuk është vetëm e opozitës, por është simbol i të gjithëve…”, tha Basha.
