Me një vendim i cilësuar “në kundërshtim me jurisprudencën evropiane”, Gjykata e Tiranës la në fuqi masën e sigurimit personal detyrim paraqitje ndaj gazetarit Jetmir Olldashi, i cili publikoi audio-përgjimin, që implikon vëllain e ish-ministrit të Brendshëm Fatmir Xhafaj, në trafikun e drogës.
Sipas vendimit të Gjykatës, detyrimi për paraqitje u bë një herë në muaj nga një here në dy javë që ishte. Por ky vendim, për Ledio Brahon, avokatin mbrojtës së gazetarit, është në kundërshtim me jurisprudencën evropiane, duke iu referuar një vendimi të Gjykatës Europiane ndaj Turqisë.
“Prokurori Genci Qana nuk pranoi jurisprudencën evropiane”, tha avokati për gazetarët në dalje të gjykatës, pas vendimit.
Në gjykatë, avokati Ledio Braho paraqiti vendimin e GjEND kundër Turqisë më shtator 2018, që shprehet se: mjafton ndjekja penale, pra thjesht hetimi ndaj një gazetari për ta quajtur cënim të lirisë së shtypit.
Tanimë, në kushtet kur kemi një precedent të jurisprudencës evropiane, gjykata jep një vendim, që krijon dyshimet se hija e Fatmir Xhafajt në veting, ndjek gjyqtarët dhe Prokurorët.
/Boldnews.al/
