Ditët e fundit është është përfolur gjithnjë e më shumë për rikthimin e ish-ministrit të Brendshëm në Partinë Socialiste. I pari që artikuloi këtë tezë ishte vetë kryeministri Rama dhe më pas idea e tij u përforcua nga kreu i grupit parlamentar të Partisë Socialiste, Taulant Balla.
Ndërsa sot, është gazeta ‘Koha Jonë’, e cila referuar burimeve të saj shkruan se Tahiri, i cili po pret një përgjigje përfundimtare nga Krimet e Rënda pr pastërtinë e tij mund të emerohet nga Rama në postin e zv/kryeministrit, që mbahet aktualisht nga Senida Mesi.
“E gjithë kjo fushatë marketingu nga Edi Rama dhe Taulant Balla, ndërkohë që palosën ish-ministrin Fatmir Xhafaj, tregon se rikthimi i ish-ministrit të brendshëm do jetë triumfal në PS. Por jo vetëm në selinë rozë, por surpriza mbetet për publikun se po synohet që ai të emërohet zv/kryeministër në vend të Senida Mesit, zv/kreministres së sotme, pasi ajo do të kandidojë në Shkodër për kryetare bashkie”.
“Djallëzia e kryeministrit Rama nuk është vetëm te propozimi që do bëjë për Sajmir Tahirin sapo të shpallet i pafajshëm nga prokuroria shqiptare (është 100 % e garantuar se kështu do jetë vendimi), por te Presidenti Meta. Fakti që Presidenti do të ndodhet para një propozimi për dekret për ish-ministrin Tahiri, dhe kur Ilir Meta është shprehur hapur kundër kanabizimit të vendit nga ish-ministri, do jetë një spektakël publik i vertetë, duke e vënë në prove”, shkruan ndër të tjera ‘Koha Jonë’ e botuesit Nikoll Lesi.
Rikthimi i Tahirit në politikën aktive konsiderohet edhe si një mënyrë për të frenuar egon kryebashkiakut Veliaj, për të cilin spekulohet se kërkon të marrë postin e kryeministrit.
