Kryeministri Rama pasditen e djeshme pasi kishte qenë në një takim në Lezhë, hyri ‘live’ në Facebook dhe në rubrikën e tij “Përgjigjja ime” në ERTV kishte zgjedhur të jepte një mesazh me nënkuptime për të gjithë “Kadrinjtë”.
Rama ndërhyn në një debat mes mes dy qytetarëve në faqen e tij në FB ku “Domenika” dhe “Kadri Veseli” shkëmbejnë mendime të ndryshme, për atë se çfarë përfaqëson Rilindja dhe vetë Edi Rama.
Por Rama në ndërhyrjen e tij lë të nënkuptojë se pas “Kadriut” fshihet dikush tjetër, të tjerë “Kadrinj” ku ndër ta mund të jetë edhe Nikollë Lesi.
“E dashur Domenika, Kadriu s’ësht Kadri, por gojështhuri i paepur që fshihet pas Kadriut, ai mund të jetë Fahri, Çimi, Artur, Nikollë, Ylli…Kadri është thjeshtë pseudonimi i tij, por mund të jetë edhe Lulzim apo një lule tjetër çfarë do e ferrës madhe të katundit politik”, u shpreh Rama ndër të tjera në ‘live-n’ e tij.
Por nuk ka vonuar shumë edhe përgjigjia nga ana e Nikollë Lesit. Në një shkrim të medias që ai drejton Rama konsiderohet si një njeri që ka humbur kontrollin e mendjes dhe është një rrezik tashmë për shoqërinë.
Përveçse e paralajmëron se mund të përfundojë keq, në këtë shkrim të “Koha Jonë” Edi Ramës i kujtohet edhe një histori e viteve, 2004-2005, ku siç thuhet në shkrim ai çonte shkrime denigruese në këtë media, kundër bashkëshortes së ish-kryeministrit socialist Fatos Nano, Xhoana Nano.
Shkrimi i plotë
Kryeministri Edi Rama ka patur dhe ka humbje kontrolli të mendjes. Dikur nuk përbënte rrezik për shoqërinë, sepse nuk kishte fate njerëzish në dorë, por tani që është kryeministër ai është rrezik.
Mjafton të ndiqni videon e mëposhtëme, të cilën e ka postuar në profilin e tij në ERTV. Gojë çthurur, i pirë (pasi po vjen nga një drekë në Lezhë) dhe i pacipë. E keqja mbetet se ai nuk kupton se do përfundojë keq, më keq se sa disa paraardhës të tij.
Mosmirënjohës në pafytyrsi, i paskrupullt në skajshmëri, Edi Rama nuk kupton se çfarë i ka bërë vetes, kur shumë mirë e di se çdo të thotë të sulmosh edhe njerëzit që e bënë të njohur (e thoshte vetë dikur në maj 2001 në qytetin e Lezhës).
Lufta politike ka disa rregulla të pashkruara, por ai i ka shkelur sot duke ardhur nga Lezha dhe tashmë ai ka vetëm një zgjidhje: të urdhërojë Sandër Lleshin të arrestojë ata që do e shpojnë mu në zemër, aty ku i djeg më shumë. Vetëm Edi Rama e di mirë se ku i djeg dhe hidhet përpjetë po e sulmove. E di Rama mirë, kur sillte të “Koha Jone” materiale dhe shkrime kundër Xhoana …..në vitin 2004-2005!
