Albert Marashi është një fotograf shqiptar, i cili është përzgjedhur së fundmi për të realizuar setin e ri fotografik për këngëtaren me famë botërore, Cardi B. Do të jetë pikërisht ky set fotografit, përmes të cilit reperja do të promovojë klipin e saj të fundit “Mi mami”.
Lajmi është bërë i ditur nga vetë reperja në llogarinë e saj në “Instagram”, ku ka publikuar disa nga fotot, në të cilat shfaqet me reperin Al Alfa.
Albert Marashi nuk është emër i padëgjuar në Shtetet e Bashkuara të Amerikës kur bëhet fjalë për fotografinë. Ai ka të paktën 10 vite eksperiencë në këtë fushë dhe tashmë është drejtor i studios së tij në Nju Jork. Alberti ka bashkëpunuar edhe me marka prestigjioze si Forbes, Macy’s apo Ralph Lauren.
