Pas mosdekretimit nga Presidenti i Shqipërisë Ilir Meta, të Sandër Lleshit në postin e Ministrit të Brendshëm, Kryeministri Rama vendosi që ta emërojë atë si zëvendësministër, por duke i dhënë kompetencat e Ministrit.
Ky veprim ka sjellë një sërë reagimesh, mes të cilave është edhe ai i avokatit Altin Goxhaj.
Me anë të një postimi në rrjetet sociale, Goxhaj ka argumentuar në bazë të Kushtetutës, se përse çdo akt që do të firmoset nga zv.ministri Lleshi, do të jetë i paligjshëm dhe “nul”.
Sipas tij, kjo ndodh për shkak të asaj që parashikon Kustetuta në Nenin 100 pika 2 dhe 4 dhe në nenin 102 në pikën 4 të tij.
Ja çfarë shkruan Goxhaj:
Ja përse çdo akt i fIrmosur nga Zv.Ministri i Brendshëm Gjenerali Sandër Lleshi është i paligjshëm dhe nuk duhet zbatuar dhe është “nul” në efektet e tij dhe shpallet nga çdo gjykatë si “absolutisht i pavlefshëm”:
Shpjegimi nga Avokati Erald Aga (Studio Ligjore Aga & Goxhaj Law Firm)
Sipas kushtetutes per sa kohe do kemi zv. minister S.Leshi, ky dhe ministria e tij sdo te mund te bejne ndonje detyre konkrete ligjore dhe kushtetuese pervec se t’i beje fresk mengjes-dreke-darke kryeministrit bashke me zv.ministrat e tjere.
KUSHTETUTA E REPUBLIKËS SË SHQIPËRISË
Neni 100
2. Këshilli i Ministrave merr vendime me propozim të Kryeministrit ose të ministrit përkatës.
4. Aktet e Këshillit të Ministrave janë të vlefshme, kur nënshkruhen nga Kryeministri dhe ministri propozues.
Neni 102
4. Ministri, brenda drejtimeve kryesore të politikës së përgjithshme shtetërore, drejton nën përgjegjësinë e tij veprimtarinë që ka në kompetencë. Ministri, në zbatim të kompetencave të tij, nxjerr urdhra dhe udhëzime.
