Sot është një ditë e dhimbshme për familjarët e Adelajda Xhamani, kjo për faktin se e ndjera do të festonte ditëlindjen e saj të 32-të.
Gazetarja dhe ish-banorja e Big Brother, ndërroi jetë më 29 tetor të vitit 2017 si pasojë e një infarkti kongjestiv në zemër.
Ka qenë miku i saj Eraldo Rexho i cili ka bërë një dedikim prekës në këtë ditë të trishte, në Instagram, duke shkruar: ‘Sot do festonim bashkë 32-vjetorin e lindjes tënde. Mungon shumë, por të gjithë bashkë do të festojmë për ty dhe atë çfarë le me datën 12 nëntor. Kemi vendosur të të kujtojmë me këngë, sepse besojmë se ti kështu do zgjidhje. Për ty, ëngjëlli ynë’.
