Kuvendi emëroi sot zyrtarisht në postin e zv/ministrit të Brendshëm Sandër Lleshin, por ai do të ushtrojë kompetencat e ministrit, pas dorëheqjes së Fatmir Xhafajt.
Deputetja e PD-së Dhurata Çupi e cilësoi situatën e krijuar si një ‘lojë mes shokësh’ dhe jo lojë shahu.
“Sot ka një Ministri të Brendshme pa ministër, dhe dy ministra që u detyruan të largohen. Jemi në një gjendje kritike ku bandat dhe krimi ka mbuluar vendin. Ky ishte mesazhi që duhet të ndante Rama. Kjo duket si një lojë shokësh. Shahu nuk është ekskluzivitet i kësaj qeverie. Shahu është një lojë elitare”, tha Çupi.
Ndërsa gazetari Aristir Lumnezi u shpreh se ka një arsye tjetër që sipas tij Presidenti nuk e dekretoi Lleshin. “Me sa di Meta ka kërkuar që ministri të jetë diçka më politik”, u shpreh ai.
