Kryeministri Rama e ka prezantuar si zv.ministër të Brendshëm Sandër Lleshin në Ministrinë e Brendshme. Prezantimi është zhvilluar pa praninë e mediave dhe ka zgjatur rreth 25 minuta.
Rama i cili në ambientet e MB mbërriti me Sandër Lleshin në një makinë, u pa të largohej me ministrin e dorëhequr Fatmir Xhafaj, madje të dy ishin të buzëqeshur.
Në ambientet e Ministrisë së Brendshme të pranishëm në prezantimin e Lleshit kanë qenë ministri i dorëhequr Fatmir Xhafaj i cili mbërriti para kryeministrit dhe Lleshit, drejtori i Policisë së Shtetit Ardi Veliu si dhe zv. ministrja e Brendshme Rovena Voda.
Rama e emëroi Lleshin pas seancës parlamentare të Kuvendit ditën e sotme ku parajamëroi presidentin Meta dhe i dha dhe disa ditë kohë për dekretimin e Lleshit si Ministër të Brendshëm. “Uroj që kjo situatë mos të shkojë deri në thyerje”, tha ai.
