Pasditen e djeshme një status i ministres së Kulturës, Mirela Kumbaro, bëri namin në rrjetet sociale.
Teksa vinte theksin tek leximi i librave, ajo nuk nguronte tu sugjeronte të gjithëve të mos palloheshin nëse personi nuk kishte libra.
Mirëpo, mëngjesin e sotshëm, si për t’i dalë në mbrojtje ministres e për të treguar punën e madhe të saj, Kryeministri Edi Rama ka publikuar një video në të cilën Kumbaro duket teksa merr pjesë në restaurimin e një kishe në Dropull.
Në fund të videos, si për të “larë mëkatin” nga sugjerimi banal, ministrja shihet duke ndezur një qiri, si të ishte shenjtore.
Rama shkruan:
Me këto pamje nga kisha e Peshkëpisë në Dropull që u shpëtua nga rrënimi për të qenë shumë shpejt e hapur për besimtarë e turistët ju uroj një javë të mbarë”.
E siç e dimë të gjithë, çudia më e madhe tre ditë zgjat, por ju mos harroni këshillën e pallimit!