Martesa në moshë të re së fundmi ka filluar të shmanget, megjithëse dikur njerëzit martoheshin shumë të rinj dhe nuk e kishin problem. Por nëse dy partnerët dashurojnë njëri-tjetrin nuk ka asgjë të keqe të martohen.
PopSugar ka realizuar një sondazh me femra të cilat janë martuar në moshën 18-23 vjeç.
Ja si janë përgjigjur ata:
Aventurat e rinisë mund t’i përjetosh me një mik të ngushtë që do ta kesh pranë një pjesë të mirë të jetës.
Asnjëri prej të dyve nuk është formësuar ende përfundimisht. Mund t’i jepni formë njëri-tjetri në mënyrën më të përshtatshme për të dy.
Mësoni të bëni kompromis me njëri-tjetrin teksa ju duhet të merrni vendime shumë të rëndësishme që në fillim.
Keni një mbështetje që shumë pak e kanë, ndërsa ju duhet të studioni në shkollë, apo të shkoni në intervistat e para të punës, ai është kurdoherë me ju si askush tjetër.
Trupi juaj është më mirë se kurrë në aspektin riprodhues kur jeni më të rinj.
Mësoheni që të mos mendoni vetëm për veten; gjithmonë edhe për dikë tjetër.
Rriteni bashkë.
Mësoni bashkë dhe mësoni njëri-tjetrin.
Keni shumë më tepër energji kur jeni të rinj; për të luajtur apo për të punuar…apo për të rritur fëmijët! Është më e thjeshtë të planifikoni atë që do të vijë më pas, pasi jeni bashkë dhe e keni të qartë se çfarë kërkon partneri. Nuk ju mbeten shumë dilema!
Ambiciet, ëndrrat tuaja nuk duhet të zhduken vetëm sepse jeni të martuar. Dy mendje është më mirë se një, do të ushqeni dëshirat dhe idetë e njëri-tjetrit.
