Tirana vijon të vuajë kaosin e trafikut të automjeteve. Prej vitesh Bashkia nuk i ka dhënë zgjidhje një prej problemeve disavjeçare, ndërsa vlen të theksohet se edhe devijimi i qarkullimit të disa akseve rrugore kohët e fundit, pa asnjë studim, ka shërbyer për përkeqësimin e situatës së trafikut në Tiranë.
Siç duket edhe pamjet e siguruara nga Boldnews.al radha e automjeteve në Bulevardin “Zhan D’ark” është kilometrike.
Policia Rrugore nuk duket në qarkullim, ndërsa ata që e pësojnë nga kjo situatë e përsëritur janë qytetarët të cilëve do t’u duhet të qëndrojnë minuta të tëra në trafik. Pavarësisht nga impenjimet, dikujt i duhet të lëvizë për një rast urgjence, apo dikujt tjetër për në punë, përfundimi është njësoj, të bllokuar në trafikun e Tiranës. Ndërsa Lali Eri për vete e ka gjetur zgjidhjen…bën sikur udhëton me biçikletë kur arrin 100 m larg Bashkisë…
