Dy herë radhazi Milani është nderuar në minutat shtesë dhe në të dy rastet ka qenë Romagnoli ai që ka shënuar, duke i dhënë ekipit 6 pikë.
Mbrëmja e djeshme ishte e lumtur për Gattuson, pasi fitoi ndaj një ekipi që ka formë të mirë fizike, por tekniku i kuqezinjve nuk e harron golin e Mauro Icardit në derbin me Interin.
“Goli i Romagnolit në fund natyrisht që më ka pëlqyer, por mbaj mend akoma atë të Icardit në derbi”, thekson Gattuso, i cili më tej shton: “Ishte një fitore e merituar. Pas Interit dhe Romës, Udinese është skuadra më fizike e kampionatit”.
