Pas një seance maratonë të zgjatur në dy ditë dhe afro 5 orë debat gjyqësor, në dhomën penale këtë të dielë në ora 11:30 gjyqtari Artan Gjermeni do të vendosë nëse biznesmeni Ervis Martinaj do të qëndrojë në burg pa afat apo do të lirohet pas dy ditëve.
Ky vendim vjen pas kërkesës së prokurorisë për të caktuar një masë të re ndaj Martinaj si person i përfshirë në përplasjen me armë më 4 tetor në lokal Monopol me një viktimë dy të plagosur por edhe për hetimin pasuror që tashmë Krimet e Rënda kanë nisur ndaj tij.
Prokuroria një ditë më parë i ka kërkuar kohë gjykatës të kryejë hetime ndaj Martinaj pasi njësia speciale Task-Forcë, polici-prokurori kanë verifikuar për biznesmenin të gjithë aktivitetin e tij penal si dhe atë tregtar.
Avokatët e Martinajt kërkuan rrëzimin e masës së re, ndërsa me argumentin se Martinaj përdor një pasaportë kosovare dhe nëse lihet i lirë arratiset, prokuroria këmbngul për arrest me burg pa afat.
Vijon…