Nga Boldnews.al
Saimir Tahiri u rikthye në jetën publike e mediatike gjatë kësaj jave, pasi publikoi një vendim të Gjykatës së Katanias, e cila e ka arkivuar hetimin e nisur ndaj tij për bashkëpunim me narkotrafikantët Habilaj.
Tahiri e publikoi këtë vendim, fillimisht në një konferencë për median e më pas, për të përforcuar bindjen se italianët e kanë shpallur të pafajshëm, ai u shfaq tek studio e ‘Opinion”, ku një vit më parë përlotej duke ndjerë afrimin e prangave në duar.
Ish-ministri i Brendshëm, kësaj radhe, u shfaq i relaksuar, por gjithësesi i pazoti të mbrojë veten e tij përballë fakteve, me të cilat e përballën gazetarët në studio.
Ka një element shumë domethënës në hetimet e prokurorisë shqiptare, të cilat krijojnë dyshimet e forta se Saimir Tahiri ka bashkëpunuar me Habilajt- udhëtimet dhe shëtitjet e tij me skaf, nën shoqërinë e Habilajve.
“Boldneës.al” po risjell, në mënyrë integrale, të dhënat e Prokurorisë, të dorëzuara në Gjykatën për Krime të Rënda, ku hidhet dritë mbi lidhjet Tahirit me Habilajt dhe skafi, për të cilin ish-ministri i Brendshëm iu shmang pa asnjë finesë pyetjes së panelit të gazetarëve.
Pjesë nga dosja e Prokurorisë:
Nga të dhënat e përftuara nga ekzekutimi i letër porosive nga autoritetet Greke të Drejtësisë dhe kryerja e veprimeve të tjera në vendin tonë rezulton se personi në hetim shtetasi saimir Tahiri, Fatlinda Tahiri, Elona Gjebrea, Arian Hoxha kanë udhëtuar me mjetin lundrues tip skaf për në greqi me date 08.08.2014 Mjeti lundrues i regjistruar në emër të shtetasit X.X, është regjistruar me datë 06.08.2014 kur për procedurat e zhdoganimit dhe regjistrimit të mjetit është ndërhyrë për shpejtimin e tyre nga lidhje shoqërore e personit në hetim shtetasit Saimir Tahiri, të cilët i kanë kërkuar poseduesit të mjetit që atë t’ia linte në përdorim personit nën hetim. Mjeti lundrues është drejtuar nga shtetasi Saimir Tahiri
Po nga këqyrjet e realizuara në sistemin TIMS rezulton se prindërit e shtetasit Saimir Tahiri dhe pjesëtarë të familjes së shtetasve Arian dhe Elona Hoxha, për tu bashkuar me familjarët e tyre në pushime, me datë 09.08.2014 kanë udhëtuar për në Greqi me automjetet me targa AA 003GB me drejtues shtetasin Artan Habilaj dhe AA 145 GJ me drejtues shtetasin Alban Alia. Shtetasit Artan Habilaj dhe Alban Alia janë kthyer në Shqipëri me datë 10.08.2014 me automjetin me targë AA 003 GB, mjet i cili rezulton të ketë qenë në pronësi të shtetasit Saimir Tahiri, megjithëse kishtë një kontratë shitjeje me shtetasin Artan Habilaj.
Më datë 14.08.2014, shtetasi Artan Habilaj ka udhëtuar për në pikën e Kalimit Kufitar Qafë Botë me automjetin me targë AA 003 GB. Me të mbërritur aty, ky person është takuar takuar me personin nën hetim, Saimir Tahiri, dhe ka qëndruar aty deri me date 16.08.2014.
Me datë 16.08.2014, ndërkohë që Tahiri mbaronte ditët e pushimit, është vendosur që, me mjetin lundrues të udhëtonin për në Shqipëri shtetasit Artan Habilaj, duke u paraqitur në portin Sarandë “Linjë tjetër”, ndërsa personi nën hetim shtetasi Saimir Tahiri së bashku me familjarët e tij, do udhëtonin për në kthim me automjetin me targë AA 003 GB nëpërmjet Pikës së Kalimit Kufitar Qafë Botë, mjet me të cilin dy ditë më pare kishte shkuar në greqi shtetasi Artan Habilaj
Po ashtu, rezulton se në të njëjtën ditë, me datë 16.08.2014 janë rikthyer në Republikën e Shqipërisë, nëpërmjet Pikës së Kalimit Kufitar Qafë- Botë, Sarandë, me automjetin me targë AA 145 GJ familja e shtetases Elona Hoxha(Gjebrea).
Nga veprimet hetimore të kryera ka rezultuar se shtetasi Artan Habilaj pasi është paraqitur në portin Sarandë, personat përgjegjës të policisë kufitare nuk kanë bërë regjistrimin e mjetit lundrues me të cilin pak ditë më pare kishte udhëtuar për në Greqi personi nën hetim shtetasi Saimir Tahiri. Po brenda ditës, shtetasi Artan Habilaj ka udhëtuar me mjetin lundrues për në Vlorë ku ka ankoruar në portin e skafeve në Triport Vlorë.
Pas disa ditësh, më datë 08.09.2014, është paraqitur për të udhëtuar me këtë mjet lundrues për në Itali, personi nën hetim shtetasi Moisi Habilaj, i cili ka kërkuar leje lundrimi. Rezulton se në drejtim të Italisë ka udhëtuar personi nën hetim shtetasi Moisi Habilaj. Rezulton se shpenzimet për udhëtimin në fjalë janë mbuluar nga personi nën hetim shtetasi Moisi Habilaj. Ky mjet lundrues rezulton të jetë kthyer në Durrës më datë 24.12.2014, ku edhe në këtë rast, duke qënë se mjeti lundrues përdorej nga personi nën hetim shtetasi Saimir Tahiri, nuk është regjistruar në pikën e kalimit kufitar.
