Pas momenteve të sikletshme në familjen e tyre, gruaja e ish-ministrit Saimir Tahiri ka pasur sot një reagim, pas publikimit të dokumenteve nga Gjykata e Katanias ku pushoheshin hetimet për Tahirin në shtetin fqinj.
Ajo ka shpërndarë një video të postuar dhe nga Tahiri pak minuta më parë dhe apelon që e vërteta më në fund të merret vesh, edhe pse ndërkohë gënjeshtra ka bërë gjysmën e rrugës rreth botës.
“Te lutem shperndaje. Genjeshtra ka bere gjysmen e rruges rreth botes, nderkohe qe e verteta eshte duke veshur kepucet…por kur i ka veshur ato, sdo te ndale me kurre… “, shkruan Fatlinda Berisha Tahiri.
Ndërkohë që më herët Saimir Tahiri shkruan: Që e VËRTETA të bëjë më shumë rruge se gënjeshtra , duhet ndihma jote.
Në disa dalje të mëhershme televizive Tahiri është shprehur se familja e tij ka qenë ajo që ka vuajtur më shumë akuzat dhe përbaltjet e kundërshtarëve të tij, dhe mesa duket tani familja Tahiri kërkon njëzëri që të gjejnë qetësinë.
