Nga Boldnews.al
Skenarst për humbjen e Edi Ramës në zgjedhjet e ardhëshme nuk janë vetëm një llogari matematikore, por mbi të gjithë logjike për nga mënyra si ka marrë pushtetin, veçanërisht zgjedhjet e vitit 2017. Tre qarqet që kanë bërë diferencën, duke i dhënë mundësinë kryeministrit Rama për të marrë një mandat “bindës” për herë të dytë radhazi, janë Durrësi, Elbasani dhe Lezha. Në Lezhë, ku figura e Arben Ndokës ishte e padiskutueshme, Partia Sicialiste fitoi tre mandate, tre të tjera PD dhe një LSI. Edhe pse në një përafërsi të madhe votash, për herë të parë Partia Sicialiste arriti të dalë e barabartë në Lezhë me kundërshtarët e përhershëm politik.
Gjithashtu në fund kur u numërua të gjithë votat në këtë qark, PS triumfonte me një diferencë prej tre mijë votash më shumë se PD, edhe pse nuk ishin të mjaftueshme për të siguruar një deputet më shumë. Me arrestimin e Arben Ndokës, ish-deputet i PS-së dhe një nga figurat kryesore që kontrollonte gjithçka në lidhje me punësimet, pronat dhe aferat e tjera në këtë zonë, Edi Rama ka humbur shumë.
Askush nuk mund ta përfytërojë që Ndoka pasi të dalë nga burgu ku akuzohet për falsifikim dhe tjetërsim pronash të vihet sërish në krah të Ramës, e për më shumë të japë garancinë për të kërkuar votat. Në këto kushte, PS rrezikon që nga “prishja e balancave” të humbë një deputet në këtë qark.
Diferëncën, e mbi të gjitha treguesin për ndryshim pushtetesh mund ta bëjë qarku i Durrësit, me 14 mandate deputeshëm që prodhon. Ironikisht, në vitin 2009, ky qark bëri ndryshimin që pushtetin e mbajti Sali Berisha. I mësuar me paqëndrueshmëri votash, Qarku Durrës anoi në polin tjetër, duke bërë një kthim të plotë rreth vetes në zgjedhjet e fundit parlamentare. Në zgjedhjet e vitit 2017 Durrësi i dha PS-së tetë deputetë, katër i mori PD dhe dy LSI.
Një sukses i tillë lidhej edhe me numrin një të fushatës elektorale, Vangjush Dakon, që vitin që vjen mbush 12 vjet në krye të Bashkisë Durrës. Ai njihet si makineri e madhe elektorale e pavarësisht pseudonimit “xhuxhi”, është personazhi politik që kthehet gjigant në mbledhjen e votave për PS-në. Mënyra e organizimit, miqësitë me elementë të botës së krimit që për të konsiderohen vetëm “përfaqësues të familjeve të mëdha”, bëri që Gjushi t’i japë Ramës mandatin e dytë pa pasur nevojë për koalicion.
Pikërisht për këto të mira që ofron Dako në dobi të pushtetit, nuk po lëshohet nga kryeministri Edi Rama, që e ka të qartë se nëse Gjushin ia jep drejtësisë, atëherë pushteti në të ardhmen i vihet në pikëpyetje të madhe.
Nuk duhet lënë pas edhe një personazh në dukje “babaxhan” si Qazim Sejdini, kreu i Bashkisë Elbasan, një mjeshtër i kalkulimeve, i akuzuar nga opozita për lidhje okulte dhe shpërndarës i fondeve publike në pak duar që marrin paratë e qeverisjes lokale dhe ofrojnë votat për Rilindjen.
Në vitin 2017, Partia Socialiste siguroi në Elbasan shtatë mandate, ndërsa dy mori PDIU dhe dy të tjerë LSI. Këtu në këtë qark, Partia Demkoratike ra në nivelin e 20%, çka e dërmoi politikisht të djathtën tradicilane. Ndoka, Gjushi dhe Lala mund të ngjajnë si “zyrtarë lokal” pa ndikim në politikën e madhe qeverisëse, por faktet tregojnë se janë në gjendje të ndikojnë fort për ti dhënë Rilindjes qeverisjen qëndrore.
Më shumë se kushdo tjetër këto llogari i bën vetë kryeministri, që nëse heq dorë nga të përfolurit dhe përlyerit me krimin, i rrezikohet pushteti i tij. E pati disi të lehtë të lëshonte Ndokën, por po i bën mirë llogaritë me Gjushin e Lal Qazimin…
