Avokati Spartak Ngjela ka komentuar daljen e ish-ministrit të Brendshëm, Saimir Tahiri në konferencën e djeshme, ku edhe deklaroi pafajsinë e tij. Ngjela u shpreh që ai ka bërë mjaft mirë që ka hyrë në betejë ligjore dhe ka dalë hapur.
Avokati ironizon se ai fshihej pas çitjaneve të Ramës, teksa vë në dukje që ai ka qenë i pari që i ka këshilluar të përballet me ligjin.
“Profesionalisht nuk mjafton, unë kam qenë i pari dhe i vetmi që i kam thënë të përballet me ligjin ,mos të mbrohet nga imuniteti. Shumë mirë ka bërë që ka hyrë në beteje ligjore, pasi fshihej pas çitjaneve të Ramës, tani doli në betejë. Janë dy prokurori që kanë filluar procesin penal.
Është Prokuroria italiane Antimafia dhe prokuroria shqiptare. Penalisht, në funksion të provës dhe të veprës penale, ka një rregull, nëse janë dy hapësira ku është zhvilluar krimi, quhet krim vazhdues. Por këtu, Prokuroria e Tiranës e ka marrë indicien nga ajo italiane. Por ne nuk e dimë, nëse kanë gjetur prova të tjera këtu. Nuk duhet të acarohet në këtë forma Saimir Tahiri. Ishte i nxituar, kishte një triumfalizëm të pandjerë. Çdo njeri që është nën akuzë nuk ka mundësi të mbrohet”, u shpreh ai në “Open”.
